වනුආටු

මේ කියන්න යන්නෙ මගේ අත්දැකීමක් නෙමේ.මම තාම එච්චර වාසනාවන්ත උනේ නෑ.අපේ ලොකු අයියා ගිය සතියෙ ගිනි කන්දක් බලන්න ගියානෙ!ආසාවටම නෙමේ.එයාට ඕස්ට්‍රේලියාවෙ PR ගන්න ටික කාලෙකට වෙන රටකට යන්න වෙලා(මට මාස ගානකින් එයත් එක්ක කතා කරන්න බැරි උන නිසා scene1 හරියට වැටහුනේ නම් නෑ.මොකද මට පන්ති weekends.එයාට නිවාඩු ඒ දවස් දෙකේ)අඩුම වියදමින් යන්න පුලුවන් තැනට ගිහින් තියෙන්නෙ.ලඟදි ලංකාවට ඇවිත් ගිය නිසා රිම් එකෙන්ලු දුවන්නෙ.ගිහින් තියෙන්නෙ ඕස්ට්‍රේලියාවට ගිණිකොනින් තියෙන වනුආටු (vanuatu)කියන දූපත් සමූහයකට.

ඒකෙන් එක දූපතක ක්‍රියාකාරී ගිණිකන්දක් තියනවලු.දැනට 3 වෙනි ක්‍රියාකාරී අවස්ථාවෙ ලු.මේ දෙන්නා ඒකට මීටර් 300 ක් දුරින් කඳවුරක් බැඳන් ඉඳලා.දූපත් වාසීන් හදලා දුන්න තම්බපු අල ජාති තමා රෑට කාලා තියෙන්නෙ.දැන් මම හරිම නොඉවසිල්ලෙන් ඉන්නෙ ආයෙ එයාව skype වලින් set වෙනකන්.කතාව අහලම දැන ගන්න ඕනෙ.ෆොටෝ ටිකකුත් ඉල්ලගන්න ඕනෙ.ගිණිකන්ද දැක්කට පස්සෙ හිතෙන විදියට අක්ක ද ගිණිකන්ද ද වැඩියෙන් භයානක?කියලත් අහන්න ඕනා.hehe.

හ්ම්..අද උනේ මොනවද....*thinking*අම්මගෙ කාන්තා සමිතියෙ ඇත්තියෙක් ඇවිත්.එයාට කිරි තේකක් හදල දීල(ඇඳන් ඉන්න හඩු ඇඳුමට අම්මගෙන් බැනුම් අහ අහ),මමත් ඉඟුරු දාපු ප්ලේන්ටියක් හදන් PC1 ඉස්සරහට ආව.මේ දවස් වල හැමෝම තේ ගැන නෙ කතා වෙන්නෙ.මටත් තේ කතා ගොඩක් තියෙනව කියන්න නම්.ඔක්කොටම මුල(මට ආඩම්බර වෙන්න පුලුවන් කාරණා දෙක තුනෙන් එකක්)මට රසට කිරි තේ හදන්න පුලුවන් වීමයි.මීට අවුරුදු පහකට විතර කලින්හවස් වරුවක අපේ විද්‍යා පන්තියෙ සමීර ආව අපේ ගෙදර.ආවෙ නැති දවසක නෝට් එක ලියාගන්න.අපේ ගෙදර මම විතරයි හිටියෙ.එහා ගෙදර හිටියෙ මගෙ යාලුව(Ish)විතරයි.ඌ දන්නෙ නෑ තේ හදන්න.ඉතින් සමීර එහා ගෙදර ඉස්තෝප්පුවට වෙලා නෝට් එක ලියද්දි මම කහට වැඩියෙන් දාලා කිරි තේකක් හදන් ඇවිත් ලඟින් තිබ්බා.සමීර ගියාම මම කෝප්පෙ දැක්කෙ.බිංදුවක් ඉතුරු කරලා නෑ.ඒ මදිවට මේ මැට්ටා ගෙදර ගිහිනුත් ඕක කියලා.හොඳම වැඩේ උනේ සතියකට විතර පස්සෙ එයාගෙ අම්මා මගෙ යාලුවො ටිකත් ඉන්න තැන කියපු දේ නිසයි.මෙහෙමයි එයා කිව්වෙ-'අපේ පුතා ගෙදර ඇවිල්ලත් කිව්වා නෙ දුවගෙ කිරි හරි රහයි කියලා!'ඇයි මන්දා මේ මනුස්සයට 'තේ' කියන වචනෙ මඟ ඇරුනෙ!ඕකෙන් මගෙ යෙහෙලියො set1ට මාසයක්ම මාව බයිට් කරන්න පොටක් පෑදුනා.

අපේ Mr.sweet සර්ත් කැමති කිරි තේ වලට.පන්තියෙ තේ හදන කෙනාගෙන් හැම වෙලේම ඉල්ලන්නෙ-'මට තේකක් ගේන්න.'කිරි'තේකක්..'කියලා.දවසක් ඕක ඇහිල dazzled කියනව 'හදල දුන්න නම් ඔයාට ලකුණක් දා ගන්න තිබ්බා.ඔයාගෙ තේ රසයි නෙ..'කියල.මට karekleen1 ට බැඳෙන්න වෙනව එහෙමනම්.අපෝ බෑ.තේ හදන්න නම් පුලුවන් ඒත් මට එපාම කරපු වැඩේ තමයි ටොයිලට් සුද්ද කරන එක.facebook ෆොටෝ1ක එයා තුරුල්කරන් ඉන්න බලු පැටිය උනා නම් කමක් නෑ කියලවෙලාවකට හිතෙනව.lol.

හ්ම්....තව මොනවද.....ආහ් අද උදේ නූඩ්ල්ස් නෙ හැදුවෙ(දැනුයි මතක උනේ,සමීර නූඩ්ල්ස් වලට කියන්නෙ නූල්ඩස් කියලා)කතාව ඒක නෙමේ,මේ පාර ලක්බිම මන්දාකිණියෙ විද්‍යා කාටුන්1නම් මරු!lol.අපේ තාත්තා මම මන්දාකිණිය අතට ගන්න හැම වෙලේම සයිඩ් හිනාවක් දානව.ඇයි මම ඒකෙ යන විද්‍යා ප්‍රබන්ධය කියවන් නෑ නෙ!මෙහෙමයි කතාව.මම ඒකට කතා 2ක් යැව්වා.2ම මම ඒවා යවල පිළිවෙලින් සති2ක් ඇතුලත පල උනා.ඒත්3වෙනි එක යැව්වා යැව්වාමයි ආරංචියක් නෑ.හැබැයි තැපෑලෙදි අතුරුදන් උනාද දන් නෑ.සති4ක් විතර යද්දි මට හරියට දුක හිතිලා මම තාත්තට කිව්වා ආයෙ පත්තරේට ලියන්නෙත් නෑ මම ප්‍රබන්ධය කියවන්නෙත් නෑ කියලා.lol.කාටූන්1ක් නම් යවන්න අදහසක් තියනවා.

මට වැඩියෙන්ම සතුටක් දැනුන දවසක් තමා -ICBS එකේ office1ට යන තැන ඉඳගෙන ඉන්කොට ඒකට කවුදෝ ආව 3wheeler1ක් ඉස්සරහ නතර කරල තිබ්බා.ඕකෙ ඩ්‍රයිවර් මාමා පත්තරේ දිග ඇරගෙන කියෝ කියෝ හිටියා.මොකක්ද දන්නවද?මගෙ කතාව!හරි ෂෝයි.