පරණ දින සටහන් 2

2006 සැප්තැම්බර් 1(සිකුරාදා)
ඉස්කෝලෙදි මැරෙන්න හෙම්බිරිස්සාව.මම සකූටයි,තරූටයි ice cream2,kit kat2 අරන් දුන්නා.chemistry වෙලාවෙදි සර් අහක බලද්දිම කෝන් එක අතින් අතට පාස් වෙනවා.මං ඇරෙන්න පන්තියෙ ඔක්කොම උන් අයිස් ක්‍රීම්2 බෙදාගෙන කෑවා.(මට හෙම්බිරිස්සාවනෙ!)මාර fun.සර්ට තේරුනා මොකක් හරි සීන් එකක්යනවා කියලා.ඒත් වැඩේ අහු උනේ නෑ.

2006 සැප්තැම්බර් 2 (සෙනසුරාදා)
Happy brithday to me //
Happy birthday dear Keanu Reevs & me...
Happy birthday to meeeeee!
මා....ර happy birthday එක.මට දැන්18ක්!මැරෙන්නම හෙම්බිරිස්සාව දැං නම්.උණත් වගේ.හතියත් තියනව.අද උදෙන්ම තාත්තා wish කලා.ඊට පස්සෙ චූටි අයියා(sky blue පාටින් ගලක් අල්ලපු ලස්සන lover1න් ගත්ත මුද්දක් දීලා)wish කලා.ඊට පස්සෙ අම්මා තොත්තුවක් දුන්නා.ඊට පස්සෙ ලොකු අයියා තොත්තුවක් දුන්නා.ඉෂ්,නිලූ,NIR,චාමර,සහන්,මහේෂ් wish කරලා sms එව්වා.සකූයි තනුජායි කෝල් කලා.බලන්න මම අලුත් සල්වාර් එක ඇඳලා පන්ති යන්න හිටියෙ.කොහෙද!සල්වාර්1 මහලත් නෑ අසනීප නිසා පන්තිත් නෑ.ලොකු අයියා සුපුරුදූ පරිදි තොත්තුවක් දීලා ෂේප් උනා.හරි නරකයි.අද ඉස්කෝලෙ swimming pool1ට මුල් ගල තියනවා.දෙවෙනි ගල කවදා තියයිද දන්නෑ.අපි ඉස්කෝලෙට ආව කාලෙ ඉඳලනෙ ඕක හදන්න ප්ලෑන් කරන්නෙ.ළමයි කියනවා අපේ මිණිපිරියන්ටවත් ඕකෙ පීනන්න ලැබුනොත් වාසනාවක් කියලා.අපිට school ID1ත් ලැබුණානෙ!මගෙ ඔක්කොම ඇද වෙලා ගිහින්.මාර සුදුයි හැබැයි.ඇහිබැම තනිකර ඇඳලා වගේ.ළමයි අහනව මම මේකප් දාලද ෆොටෝ1 ගත්තෙ කියලා.හැමෝගෙම මූණු ඇතුල බල්බ් දාල වගේ සුදු වෙලා.ළමයි කියනව proposal 1ක් ආවොත් යවන්නෙ මේක කියලා.(මනමාලය හිතයි 'මරු නෙ!'කියල)සකූට තාත්තා කියල -මේක නම් check කරන්න ඉල්ල ගත්තොත් අනිවා කොටියෙක් කියලා ඔයාව අල්ලගන්නවා,මොකද ෆොටෝ එකේ ඉන්නෙ නම් ඔයා නෙමේ-ලු.( ප.ලි.ඕව නම් මොනවද,මගෙ ජාතික හැඳුනුම්පතට ෆොටෝ1 ගත්ත තැන උන්න බුද්ධිමතුන් පිරිසක් වැඩි හොඳට මගෙ මූණෙ උපන් ලපයත් photoshop වලින් මකල දාලා තිබුණනෙ!)